Бисмиллагьи ррахIмани ррахIим. Аллагьла дурхъай уличал нуни иш жуз, иш хабар белкIес бехIбикIулра гIяраб гIилмула кадизубте жузезекан чарбатуле, кьуръайзеканра асиле. Саби белкIунил бяъзале буциле нам муз баэсга иле.
ФиргIяванла анцIбукь иш тяхIярлике бехIбихьибил саби. Мисрилизе ца адам ууле сай сунесра МусгIаб букIуй. Их адам сунела халкьла кьяле дихIян ууле сай. Ихила ГIямаликьатуне букIуй Тамуа дерхIнезекан рубил хIунулра рууле сари. Ихдила акIубил агар ууле сай. Ихъэ левле, ца бари ца кьяйни къача бухъахъулре, сай пашмаа пикрилизе икиле кайилре, гемру деркIира, амма дерхIе ризкьи Iевуб иле. Кьяйни ихизе тIама дариб. Эй, МусгIяб, хIу пашман мавруда, хIет хIет акIубил ризкьи иру, сайра жагьаннам тIулрезекан ца тIалле уруй. МусгIяб хъули чарухъун, хьунуйзе хабар буриб. Хьунул ФиргIявайс гIелчуруб. Дудеш сай варайкем кахIелъа ебкIиб. ВарибхIеле нешни ихис Валид бину МусгIяб иле у бихьиб. ХулаваибхIеле нешни ФиргIявайзе кьисла санигIят багьахъуб, гIур сай урга арц бихьиле умхIуй дихIямике дигибихьиле ихике атIун. Неш гIяйипунени рируле, ралхIериркуле руб ихила шишъайке. ФиргIяван укIуле уб нуни нам абаала барибилра, ну гIявну нафсиси дила чархла къулукъчи сайра иле. Сай гьайра дихIямике цIапI уб. Даимъуб. Сунесра гIявну нафси букшани буб.
Ца бари дураухъун умхIяс иле. Уди уруле лерил секIал ардикуле чархла палтар дихьиб. Ихдира ардикуле ардукиб, хIятта гIяврат кIапбаресил ара секIал кахIелун. Сай дяхIке изубила дяхI гьавуб. Их тяхIярлике гьавуле Мисрила шимезекан ца шилизе ваиб. Иха ца ганзалике дашуте секIулте дирцан адамис къулукъ бариб. Ихини палтар асиле кикIахъуб. Ихичукара гьавуле нешичу чарухъун. Нешни ихизе жагале гъайиб: – хIупагьмукар хIяйвай кьисла уста сайре, хIухIела санигIятике ахьадлекан, хIет баарила яшав буриб иле. ФиргIявайни иб: – ну гIявну нафси – дила чархла къулукъчи сайра, нам ну иусра иле. Гьавурни бвгьандан, адамтени Фир ибид ура ахъу бихьиб, сунесра ФиргIявану нафси букIани буб. Нафси убасиле ФиргIяван буб. Иякьне, ца-царилте цIидехь асиле гьуа дубла кайиле ирцле уб. Мисрила агьлулизе къунзукIуле секIал билгIуле, ца-цахIеле гьавуруле, ца-цахIеле иргуле уб. ГIур гIямалакьатузекан убил ца адамис къулукъчи уб. Их адам евкIайкем ихила урчи балкьугьахъуле, хIербируле уиб. Их адамла гIела калъунил мас буцесил мукьур хIевуб. ФиргIяван ихила масике ахъу икиб. Лебилра мас беркун. Ихила хIянки гьайра ваят бизуб. Сунесра хIял ваятIбизубхIеле Мисрила хIебрезе кайиб, бебкIибтела агьлулизекан хIере бихьахъесра арцане тIалаб дируле. Их тяхIярлике калун. Халкьизе укIуле ууле сай пачала изнуличал диргъуйра иле. Их куцике ихини хулал мас цахIнабяхъиб. Сунела алав сай валтахъуте кумекчибе бихьиб. Ихила дируте аварабеке пачани балуй секIал агуб. Хапле пачала рурси ребкIиб. ХIебрезе ажухиб. Пачани ФиргIяваа аварабе дагьуб. ГIяхIял гьимигиб. Кавшес кьасбариб. ФиргIявайни иб: – Эй пача ну кавшес гьалакмайкIуда иле, ва арагIя сунени цахIна бяхъибил хулал мас пачачу баахъиб. Пача масис иргIауб. Ганзала къакъике бегI гьади рушбатис гьулчи бихьибил ФиргIяван сай. Пачала уркIи ФиргIявайке гIяхIбуб, ва жаназуулезекан ФиргIявайни айсуте мукIурбакIиб. Пачнела, талхъунтела жаназуле дихьахъесла 1000 – шегьи хъардикахъиб, вазиртес 700 – шегьи хъардикахъиб, салданунес – 500 – шегьи хъардикахъиб. Их тяхIярлике диргъуле калъун. ГIур Мисрила хIурматала адамтуле цахIнабикиле пачачу духIнабикиб. Ихдини иб: – ишти пачнела урга тIинтIдубте эршите хабурте се сари, хIуни бебкIибте халкь бихьахъесла арцане диргъуле сари ибте? Пачани ФиргIяван тIалаб вариле лебилра баргъибил мас асиб. Их асибхIеле ФиргIявайни
Сай дуела къараулбирутела бекIле варни тIалаб бариб. Их замана пачала къараулдеш гIяхIял цIакьле дууле сари, пача сай каршуйзекан гIяхIял урухукIни багьандан. Пачани ФиргIяван къараултела бекI вариб, сунезе ибра иб: Дуела че къаршиикалера карше иле.ФиргIявайни сунес ббакъал кумекчибе бихьиб. Шагьарла цугдайла сунес кIалгIя бариб. Дуеле шагьарла лерилра дубугунезе, мякьянезе ихди кумекчибе къараулте бултIуле уб. Ихдини гьар дуела кьая къаршиикибил каршуле буб. ГIур ца замана, пача вайна муэри кебаиле уркIухъа тIатIухъун. Кебаибил муэрира иш саби. Авъал мукеки кедаиле сай, гьар мукекила урга цIала ламъи кебаиб. Ихдила шала лебилра Мисрила агьлулике баилре, гIур ца кьякьраб бакIиле тахлике ахъуберцуб. Ихини сунела мухIлигьаргбариб. Пачани ихила дугате къанжубе кедаиб. Кьякьрабни иб: Эй пача, хIела ажал хIекьле кецдуле сари. ХIу гьалак ес багьандан хIябизекан ца кеббекша. 1) Нуни хIу кьянтIиуре, яра нуни хIу каршуре, яра нуни тахизекан лейикIуре. Пачани буриб: - их кьякьраб абизуле дике гьачам бяхъиб, их бяхънини ну тахизекан ганзалике лейвакIира, гIур их кьякьраб дила тахике ахъуберцуле иб: - Эй Мисрила агьлу, хIушани нам лагъдеш дарая, гIибадат барая! Пачани буриб: - ихила гIелакан нуни Сугьабула дерхIе ГIимран кеира, сунела къакъизеканра мусекан башан дурабухъа бубил хIяйзе. Их мусекан башаа леже мукукере арцлара, мургьелара, дубсилара, мегьлара. Мургьела мукеки зубрезе баилре, арцла мукеки машрикьизе баилре, мегьла мукеки магърибизе баилре, дубсила мукекике цабехI халкь цIапIбулре чула дяхIяне цIубабе, чусра гярбукIуй нур бубте. Муэрла тягIбир бирантени пачазе иб: ил хIела муэрилис хулал анцIбукь леб. ХIуни нуша ца базни адатаба, нуша ил ил секIайзе хIердукIехIе иле. Дуела пачала уркIила бакIиб. Дураерхуле сунела вазиртела цаличу гIярасра иле, сунес бубил хъумартес уркIиахъни ес иле. Пача дуела дигIянле сунечал варх цалра къулукъчи агарле дураухъун. ФиргIяваа къараултени уциле ФиргIявайчу арукиб. Сай уб гIягIшукIуле – ну пача сайра се дукIутерея иле, амма ихти сунеке лехI хIехъиб, къянбени угуй ес иле урухкIуле ФиргIявайчу ваахъиб. Пачани иб ФиргIявайзе ну пача сайра иле. ФиргIяван лехI хIехъибни урчилизекан удиерцахъуле бяхъиле къяб бяхъиб. Их сягIятизе баргъиле сунела лебилра къараултера сайра, ихти пачала къалализе духIнабикиб. ФиргIяван пачала тахике ахъуерцуб. Пачала таж сунела бекшике бихьиб, гIур лебилра амирте, вазирте, улкала хулате адамтуле баргъиб, сунени ихдис амру-нагью (хъарбарни-чарбаони) дариб. Лебилра сунеке кецбуб, бегI гьади Гьамайни сужда бариб, гIур пачнени бариб, гIур цархIилте халкьни бариб. ГIур пачани лебилра Бану-Исраилтела акIубтечу адамтуле бархьаиб. Саби пачас мутигIбакIиле тIягIят барахъес тIалаб бариб. ДакIуле ихис мутигI бакIиле, дигIанале Аллагьу тагIалалис-цун гIибадат бариб. Их хIянки ФиргIявайни багьуб. Дубсилара, мегьлара хулате шугре дарахъес хъардариб. Рахсагни дицIиле чула уди цIаме дикьуле, руржахъуле, ихди адамтуле иха бушиб. Ихди адамтуле буб букIуленуша чардулхъулра эй нушала Аллагь, нушала дудешмела Аллагь Ибрагьим, ИсмагIил, ИсхIякь, ЯгIкьубла Аллагь, ихдила дерхIнела Аллагь. Нуша хIеке ирхаулра, нушани хIеке къакъра бирхъулра. ХIуни хIукму бара, эй, ФиргIяван, хIуни сунес хIукму бируй секIайке. Иха лейбакIибхIеле, ихдила рухIане гьалжунтезе арцуб. Бану Исраилтезекан бируле гьарг хIебуле калъун. Ца замана ФиргIяван сунела тахике кайиле левре, Муса ГIимрнмла дерхIе Сугьайбула дерхIе (гIялайгьи ссалам) акIес гьадикан хапле сунела къалала чиризекан ца адам гьавакIиб, сунела хIулбела хъаранекекьацIика убил хIяйзе, сайра укIуле: - Эй ФиргIяван хIет хIела вайте хIянкилизекан хIела Аллагь гъапуле сай иле гьанбиркулев? Лебил гIялам акIахъубил, хIет ибадат барахъес халкь тIалаб бируле хIу валтара иле гьанбиркулев? ФиргIяван ихди гъайке зинкIухъа их шейкела къалалике дяхI чаряхъиб. Лас вяхъиле ряхIят убхIеле тяп их адам ихара вакIиб. Гьади бурибил гъай буриб, ва гьайра иб: - ХI гьалак уруд эй, мелгIун, хIу акIахъубил, хIет ризкьи барибил, хIела егIике иман хIебухадле иле. Гьайра царил къалала арегIун, тяп ихди гъай ихара дакьиб. Ихди гъай дикьуле ца къалализекан ца къалализе, авцIали къалализе духIнаерхуб. КIинайс ФиргIяван сунени бегъахъубте халкьла бахъдешике урухигиб. Сунени ибра иб Нам гьанхIебиркур ну гьалак убни бурар иле Бану-Исраилтела някъакан гьинкIаиле. ГIур ФиргIявайни сунела алавлайзе иб: - дягIянаяни хIушани дичу ГIимран кавкая! Их Бану-Исраилтела хулалгъуна сай. Нуни ихисра ихичал барх калъунтесра гIяхIбаркь бирисра иле. Сунечу ГIимран духIнаерхубхIеле ФиргIявайни ихизе иб: - Я ГIимран, нам хIу дила вазир уле дигулра. ГIимрайни – хIет гьадира иб. ФиргIявайни ГIимран вазир вариб, ва таж кикIахъуб, лебилра лебилра вазирлета талхъанле вариб, хIятта Гьаман вархле ГIимранла хIерудизе уб. КIинайс Асият ФиргIявайс къашрариб. Ихила дудеш МузахIимичу Сугьайбула дерхIне сукни бархьаиб. Асият ФиргIяванла юртизе духIна рерхубхIеле, ихала жагадешикера хIеръибхIеле сунени иб: - Ишила гьай темашале жагадеш ца Аллагьис мутIигIил адамис бахъахъес. ФиргIявайни ихике кесъес кьасбарибхIеле, Аллагьни сай чарвариб, ахърихIебакIиб. Ихила Асиятичал их хIял ребкIайкем калъун Аллагьла уркIецIи гIебаабни сунеке. ФиргIяваа ихике гьен ахъри хIебакIиб.
Ца замайзе ФиргIяван Асиятичал левле ца тIамала бакьиб, сайра укIуле: - ХIеке вуя бакI, эй ФиргIяван, хIела мулкдеш, ардягIяс кецдуле сари Бану-Исраилтелезекан улкIуй гъубзала някъизекан. ФиргIяван ихила хIекьизе сунела вазиртечал генгешухъун. Ихдини пикри бариб гIелчуте хьунреке къараулте бихьес, дерхIне барале лугьахъуле, рурсбе барале балтахъес. Их тяхIярлике бариб, хIятта ецIну кIира азир биштIате кабушиб. Малайкуне Аллагьизе зигарбухъун. Аллагьни ихтичу ВяхIю вархьаиб, ихисра дазу лебил замана леб иле. Ца замана, ГIимран ФиргIяваа уталике кайиле левле, сунела хьунул ЮхIяниз кераиб малайкла дукейке ахъу сунечу духIна рерхуле. ГIимран уркIухъа хьунуйзе иб хIет се буле иле? Малайкни ихизе Аллагьни хIезе ФиргIяван бурушике хIела хьунуйчал анцIбукь буцахъес хъарбируле сай иле иб. Ихини их куцике анцIбукь буциле кецдеш кабикахъиб. Сарира Мусас (гIалайгьи ссалам) гIелчуруб. Савла ФиргIявайчу урэ хIясибле гъайбукIанте синчибе бакIиле, хIу сунезекан урух укIуй дерхIелис дуе неш гIелчуруле иле буриб. ФиргIявайни унцIни цIацIабариб. Мусала (гI.с) урчIемал баз дикибхIеле нешни ФиргIявайзекан цIакьил урехиличал бариб. Их дуе ФиргIявайни тIамала бакьиб.Муса вариб. ФиргIяван гьалак уб иле укIуйла. ФиргIяван хулал пашмандешизе икиб, ва цIакьле унцIес ехIихьиб. Мусала нешни Муса печизе дигIянвариле къулукъни дурарухъун. Мусала (гI.с) нешла рузини кьацI баша берцIес иле печизе цIа бикьуб. Муса левни хIебагьуб. Гьаман ГIимранла юртизе духIна ерхуб. Юрт унцIиле секIал хIебаргиб. Печике хIеръиб улкуле цIа кебаиб. Дураухъа арегIун. Мусала неш хъули чажухъа печике дяхI хъярхърихьиб. Муса (гI.с) цIа гачхIебикиле дурасиб. КIинайс ажягIя сунела кецил кьисла усталичу дугьаризуб. Кецил сайни багьандан ихизе сунени варибил акIубила хабар буриб. Устазе нам хIуни дебъай табут бара иб. Устани табутичал се бируйре иб. Ихини иб: - Нуни акIубил вариле ФиргIявайзекан, урухрукIулра иле. Их чажухъунхIелеал, уста айзуле ватихьиб Гьамайзе хабар бурес. Чярдбеке ваайкем ганзани уциб. Устани ганзала тIамала бакьиб букIуле: «Дила егI Аллагьла кебяхIдешикебле хъя саби, хIу чарухъа хIуни табут хIебарадле нуни хIу кьянтIиуре.» Уста тавба уб. Ганзализекан ватухъун. Табут бариле ГIимранла хъули баахъиле Мусала нешизе бедиб. Устани нешизе иштIал кеахъни га бариб. Нешни иштIал кеахъибхIеле устани абадариб.Мусаке (гI.с) бирхаубтезекан бегI гьади уб.
ГIимран ебкIиб. Мусала(гI.с.) неш табутике ажагIя Муса духIна ихьиб. Рисарииб. ГIягIукуйла тIама бакьиб: нушани сай хIечу чарулхъахъехIе. Сай нушани халкьичу хIекьил дийчал бархьиуте Расул тезеканра ирехIе иле. Нешни табутла къабкъач дебъа бариле, Нил хIеркIизе бушиб. Аллагьни малайкунезе табут бихIяхъес хъарбариб. АвцIали бари калъун. ХIябал бари ибилра леб, Ца дуе калъун ибилра.
Ца замайзе ФиргIяван Нил хIеркIике гьавакIиле кайиле левле, хапле букIмани гьайбариле кабухиле табут. ФиргIяваа кIалгIялизе баибхIеле качIбизуб . хIеркшизекан башуйлакан кIачра хIебизуб ФиргIяваа хъулила шарабизе баайкем. Асиятни табутике хIеръиле табутизекан Муса дурасиле пIайвариб. Асиятнира балхIебалуле их дерхIе сунела дудешла узила дерхIе сунела узикьар сайл. ФиргIявайчу арукиб. ФиргIяван их кейибхIеле урухигиле зинкIухъун. Асиятни иб: Эй пача хIу ишизекан урухмавкIуда, иш нушала някъя сай, мякьла сай ишизекан балхIебикибил секIал мурт кебаахIелера кавшес дурехIе. Ихэ гъайрукIуле Асият ихизекан керхIерикиб, сай ирхагьуле сари рукIуй барайкем. КIинайс Муса (гI.с) исуле чIярукIуле уб. Лебилра биштIате бухъахъуте хьунре кабукиб, цалаара мама кьабулхIебариб. Нешни бакьиб табут ФиргIяваа хъули баиле саби иле. Их сягIятизе аризуле Асиятичу ажягIун. Муса(гI.с) Асиятла мякьла левре. Их ракIибил сунела дудешла узи ГIимран хьунул сарил багьубхIеле, Асият ихичу аризуле ихичу кецруб. Ихизе иш иштIал мани ухъале ухъахъе иб. Нешни някъя асибхIеле Мусани (гI.с) нешла гягI баргиле дукаригиб. Нешла мама кьабул бариб. Нешни сай ухъахъун. ФиргIявайни нешизе нуни хIела дахъал ниъ кедиулрага акIубил леву? Иб. Пачани цалисъара дерхIе ватубу? – иб нешни. Асиятни нешизе дерхIе ухъахъуле, мамализекан декIар варайкем руъни тиладибариб. Асиятни сай мургьела бутIрумбезекан барибил бешикизе ихьиб. Ухъахъуле калъа гIур хъули чажухъес диги агьубхIеле, Асиятис мургье, къугъате халтIне царалте секIулте дедиле неш чажухъахъун.
Муса(гI.с) хIябал дус убил замана ФиргIявайни вевгIиле кавкиле сунела ангукизе ихьиле. Мусачал умхIяс вяхIиб. Мусани (гI.с) ФиргIяваа муцIур буциле къяббариле дахъал гъиз дердиб, гIур гьачам бяхIизера къябикун. ФиргIявайни иб: Иш иштIал сай, ну сунезекан урух укIуй иле кавшес вализуб. Асият ракIиле иб: БиштIате дерхIнела уркIила чIечIедешра, дихIямтера гIякьлу агале пикри агарле дуруте дурар иле. Асиятни хъарбариле дубсила тIас кабухахъиб, сунезера цIала гантарира динартера дихьиле Муса някъ гантарике гьабатуле мухIлила бихьиб. МухIли бигуб. Их секшал сабабле Муса (гI.с) къийа гъаюкIани уб. Асиятни ФиргIявайзе иб: Рахле гIякьлу балекIан динарте датуле гантарилике хъямхIеркун. Ихэ бубхIеле ФиргIяванла гьими ряхIятдуб.
Муса (гI.с.) ерхIел дус убил замана, ФиргIявайчал варх кайиле левле, ФиргIяван Мусаке кьицIикун. Муса (гI.с) гьимиигиле тахизекан удиерцуле, тахла кьяшмеке занкIухъун. Тах бяча ФиргIяван тахизекан уди кайкиле къянкъубезекан хIи датдихьиб. ФиргIяваа гьими духъун. Асиятни иб: ХIу хIурилгуле ахIенрев? Ихуна хулал цIакьичал дерхIе убнилике? ХIела душмантела аскуртеке хIет кумек бирахъес? ФиргIяваа гьими ряххIят дуб.
Муса (гI.с) 30-ли дус убил замана кIел цаличал-ца бирхIуте адамике къаршиикиб. ФиргIявайс беркунте дирайни хъарбируле ууле сай. Бану-Исраилтела жагьил дерхIелизе, сунечал варх урцул някъя дуциле ФиргIяваа хъули ваши иле. Ихизекан ватухъес хIевруле ууле сай, хIятта Мусазекан кумек тIалаб барайкем. Мусани беркунте дирайзе ил вате хIуни, эй кьибтIию иб.(кьибтиюбе Мисрила халкь саби). Кьибтиюни хIелтасра иб. Мусани (гI.с) михъирлизе бяхъиб. Ихини бяхънилизекан их ебкIиб. Жагьил арегIун Муса пашман уб. Мусни барибил хIянкила ФиргIявайчу хабар баиб. ИрххIегьуб. Аргъала бари муса дураухъун урухукIуле себесара иле къараулике изуле.
Ца кьибтIиюлан ФиргIявайчу вакIиле, Мусани (гI.с) даг адам кавшиб иле хабар буриб. ФиргIявайни Мусаке (гI.с) унцIахъес адамтуле бархьаиб. Кавшибила агьлулис кида варгалера кавшахъес ихтияр бедиб. ФиргIяваа агьлулизекан ца адам ууле сай, Аллагьике ирхауле, сунела иман дигIям бируй. Их адамни бакьиле сайни их хабар, Мусачал къаршиикиле, хIу кавшес багьандан хIеке умцIуй кьукья лебни, хIу ишатIан дураухъе иле буриб. Ну хIет насихIят бурантезекан сайра. Муса (гI.с.) Мадъянла ганзалике дяхI дураухъун. Хьура хIевуле вашуле хIятта Мадъянла агьлуличу ваиб. Гушдешни милидешни ари бариб. Хапле цабехI. Хапле цабехI халкьике къаршиикиб, чунира хулал педирагъуна секIайчал къуюлизекан шин дурасиле чула мазала мас дужахъуте. Иха кIел хьунул адам бууле саби, чунира чула мас ихди букIунела масизекан гьардирхъуте. Муса (гI.с.)ихдини чула мас дужахъайкем кайиле лехIехъиб. Чула мас дужахъунхIеле, къуюлике къаркъа бихьиле чарбухъун. КIинайс Мусани(гI.с.) ихди хьунрезе иб: ХIуша кIелилара маза шарабике кадукая, - иле, айзуле арягIя къуюликела къаркъалике кьяшни занкIухъа 40-декIла гьарахъ бариб, гушле сайхъяял. Муса (гI.с.) их замайзе мухъила кьацIниара елкъес хьулухъун. Ихди кIелра чула дудешичу чарбухъа чус бубиликела хабар буриб. Ихдила цализе дудешни рагIяни их дичу кавкаиле иб. РакIиле, гIяхIял урузкIуле, Мусаке (гI.с.) дяхIке ризуб, ва хIела хIекь кебицIес багьандан дудеш хIезе евъукIуле сай иб. Муса (гI.с.) айзуле ватихьиб, сунес гьадикан сажа ратрихьиб. Ихила букIмани палтар абуциле кIинкI гьаргбариб. Мусани (гI.с.) ихизе гIеларухъе иб. Ихини гIелакан рашуле, сунела дудеш ШугIяйбу (гI.с.) идбагичу ваайкем гьуни кебиахъуле вархьушиб. ШугIяйбу их замана гIяхIял ухъна ваилре. Мусани (гI.с.) сунела кьиса бурибхIеле, ШугIяйбуни беркайке тIалаб вариб. Муса укун. Рурсини иб: эй, дудеш, сай хIуни ижаралис уца, их хIуни ижаралис буцибтекем гIягьвай сай, цIакьил сай, сунеке бирхауди бихьесил сай. Дудешис гIяхIизубни иб: Нам хIу ишди дила кIелра рурсила цалике хъааварес дигулра, хIуни дила гахIел дусни мас дихIуле ижарадеш даресла. Муса (гI.с.) разиикиб. ГIур Шурябни (гI.с.) муъминте баргъиле, мекъ бариле сунела рурси Мусас (гI.с.) шери редиб. Мусани (гI.с.) гIяса тIалаб бариб. ШугIяйбуни их хъули вягIяни ихатIан гIяса аса иб. Муса (гI.с.) духIна ерхуле идбагунела гIясанеке хIеризуб. Ихдила ургакан ца хIинтIана гIяса асиб. ШугIяйбуни иб: Эй Муса (гI.с.) иш гIяса гьалжаа галгбела саби, Аллагьни саби Адам (гI.с.) идбагис пешкешбарибил, саби хIуни хIела някъизекан батмайида. Нуни хIезе цIакьле васиятра бирулра, ишди Мадъянла агьлу гIяхIял адамис бубилике хIули аркъабиуте харкь саби. Чула гъайке лехIмайхъуда. Иша гьайра ца къада леб сунезера пайда хулал иха ца хулал мусекан башан леб, рахле иха чуни вархьушадле духIна мархуда. Муса (гI.с.) ШугIяйбула (гI.с.) масичал дураухъун, их замана ихди авцIали дууле сари. Муса (гI.с.) сунезе мусекан башан лебил къадала арагIя, мас гIяйдариб. Масике их мусекан башан дяхIкебизуб. Мусани (гI.с.) сунела гIяса асиле ихике гьачам бяхъиле кабушиб. ГIур ШугIяйбуличу (гI.с.) чарухъа ихила хабар буриб. ШугIяйбура (гI.с.) хIуличиб, халкьнира хулал дичи бихьиб. ШугIяйбула (гI.с.) масра имцIа дукIуле 400 мазала масике даиб.
ГIур Мусала (гI.с.) вягIда таман бубхIеле, Муса (гI.с.) чарухъес дигиагьуле, ШугIяйбулизе (гI.с.) иб: Эй, ШугIяйбу (гI.с.) дила дугI гIяхIял аркъабитIун дила нешизекан, дила нешла рузизекан, дила узизекан. Ихди ФиргIяваа агьлулизе калунте саби. ШугIяйбуни (гI.с.) Мусачу (гI.с.) дяхI ватихьиле, Мусаке (гI.с.) хъябруцикун, гIур рурсилике дяхIкеизуле иб:Ихила амрулизе дура марурхуда, хIела егI гIяхIуб иле иб. КIелра жагале махбари, чус балгне дариб. Мадъянла бухънабени гьуни батуле, Муса (гI.с.) хьунуйчал ватихьиб. ТIурул айман букIуй дубурла шелика баиб. ЦIакьле бугIярил дуе цIябил дуе сабре. ХIемхIелизекан хьунул хьурарерцахъуб. Къадала дубла чятирла бяхъиб, иха хьунул духIна рерхахъуб. Хьунуйке их мела гIена баиб. Мусани (гI.с.) цIабикьес урцул даргъиб. ЦIабикьес къаркъалике зандбяхъиб, цIа дура хIеберхуб. Их хIянкилике гьимигиле хIяйранле калун. Хапле гьарахълакан лямцI букIуй цIа кебаиб. Гьалак вакIиле иха ваиб амма цIа хIебаргиб. Иха ваибхIеле сунезе тIама дариб. Эй Муса (гI.с.), ну хIела егI Аллагь сайра, хIуни дабри кердуша, хIу амъуй, баркатла ТIува букIуй дубурлике сайре. ХIу ФиргIявайчу вягIян, их кевалкIа зулмуртени ируле сай. Мусани иб (гI.с.): Дила михъири гьаргбара, дила иш анцIбукь нам гьамадбара, дила лемзила тилкъавдеш хIуни батбухъахъес дила гъай чуни иргъахъес багьандан (гантари бихьиб хIеле ихе бубил саби), дила агьлулизекан дила узи Гьарун нам кумекчилера вара, сунекебле дила къакъ хIу дебъа бара, дила идбагдешикебле баахъес хъарбикибил рисалатизе идбагдешизе сай хIуни кумха вара. Мусас (гI.с.) сунени кьибтIиюлан адам кавшни гьанбикиле иб: Дила Аллагь, нуни ихдила адам кавшибил сай, гьана чуни ну кавшура иле урух укIулра. Сунезе тIама дариб: урух мавкIу, дила мякьла Расулте урух хIебукIар. КIинайс кIелизе ара Аллагьни иб: хIуша кIелра ФиргIявайчу дягIяная, их сай Аллагь сайра иле давни ируле кевалкIа сай. Сунезе хIуша малхIямле кIантIите гъайдухъея! Сунени вягIза асес асубурар. Чуни иб: Эй, нушала Алагь, сай гьалак вакIиле нушазе гIязаб чIямбирахъуле иле урухдукIулра, яра хуладеш бурцу иле. Аллагьни иб: Ну дила кумекичал хIушачал варх сайра, сунени буруй бикьисра, сунени бируй кебиисра. (Иш гъайъухъни Мусачал цун (ГI. с.) сабре, расулдеш, идбагдеш хъардикни Мусакера (ГI. с.) , Мусала узи гьарумикера саже). Гьайра иб Аллагьни: ХIуша кIелра ФиргIявайчу дягIянаяни ихизе ая - нуша хIела егI Аллагьла расултера, нушачал барх Бану-Исрапилте бархьаа, саби хIуни чирмени бирахъуле, къаркъбени гачбукIахъуле гIязаб мамуркIида.
ШугIяйбула (ГI. с.) рурсилике гIена декIбуб, сунела цIумъала их къадала дууте жиндрени дакьиб. Сунела мякьла кецдуле ихис цIа бикьуб. ИштIал варайкем ихис къулукъни дизуб. ГIур Аллагьни ихике Мадъянла меризекан убил букIун вархьизахъуб. БукIуйни рагьуле раргъиле дудешичу раахъиб. ШугIяйбула мякьла сари калъун, Мусала (ГI. с.) ФиргIявайчал дубте лерилра аварабе дайкем, ва Муса (ГI. с.) Тигь букIуй авлахъла (Мисрила Палестиара дазурбекела мер саби) шагьуртезе чарухъайкем. Иха вакIиле сай иле ШугIяйбучу (гI.с.) хабар баибхIеле, Мусачу (ГI. с.) сунечу чажатуб.
Аллагь Мусачал ФиргIявайчу Вархьаахънили кебле гъаюхъунхIеле, Муса (ГI. с.) Мисрилашагьуртезе баайкем вашиб. Аллагьни Гьаруничу ВяхIъю вархьаиб, Муса чарухъун иле. Гьарун (ГI. с.) их замана ФиргIяваа вазиртезекан ца вазир ууле сай дуелара: хIерелара варх ууй, сунела дудеш ГIимранла даражалике, мерике. КIинайс Аллагьни из ну бариб, саби кIелра цаличал ца къаршибикахъес. Саби кIелра къаршибикиле, цалике ца хъябруцбикун. Мусани (ГI. с.) Гьарунизе расулдешизе кумха варнила буриб. ГIур кIелра нешичу арбягIяс дигуле батбихьиб, Жабраилра варх уле. Гьарун урух укIуле, Мусазе укIуле уб: Я Муса, тIама гIехьбара иле. Мусани батIулиларбагIя хIекьил бакIиб иб. Аллагьу тагIалара дизе хIекьле укIуле сай: «Дила кумек хIушачал саби, ну хIушачал сайра, ФиргIявайни дуруте дикьулра, дируте кедиулра иле. Ихэ бубхIеле ну ФиргIявайзеканра, ФиргIяваа аскуртезеканра урух хIевкIусра. Саби нешла унзаке баиб. Гьаруйни Мусазе нешни хIела кьут хIебала иб. Гьарйни унзаке кьутIбариб. Неш дехIеба дируле руб. Замана агар замайзе биъни багьандан нешни сагамад Гьарунла кьутI хIебагьуб ГIур кIинайс иб: Их дила дерхIе Гьарунла кьутга – иле. Сунела михрабизекан аризуле иб: кьутукIуй че сая? Иле. Нешла тIама бакьибхIеле, Муса (ГI. с.) сунени ихдияризекан ухъа, хIела кшелра дерхIе Гьарунра Мусара сажа иб. Нешни унза гьаргбариб кIеликера хIеръиле, ца хулал чIярни чIярбяхъиб биркIантера лейдакIиле сажа къагъруле карикиб. Жабраилни иб: Я, Муса, ил чагъ хIерурар – биса дуракьибкебле ахIенил. Мусани сунела дяхI нешла пяхIике дихьиле, нешике уркIецIиниисуле чагърайкем калъун. КIинайс юртизе духIна арбегIун. Мусани нешизе гьанбушиб, сай се-сен Мадъянизе дуравхъунил, се-сен ШугIяйбула мас духIуйл (10-дуени), сунела рурсилике се-сен хъайке икибил, сен ихатIан дураухъунил, се-сен Аллагьни расуле варибил, се-сен сунела узи Гьарун сунечал расулдешизе кумха вара иле тилади барибил. Неш Аллагьис шукру бируле суждалике рикиб. Муса их дуе нешла мякьла калъун. Пргъала бари сай вагьхIегьеслаан дураухъун. ФиргIявайни Мисрила ганзалике дакIу дарибте юртанеке хIерукIуле берхIеахъайкем калъа, берхIехъ нешла хъули чарухъун. Цугдуе баибхIеле фиргIявайчу арагIяс дураухъун. Сунела унзаке ваиле, къараулте, аскуртеке хIръиб, бусуле баргиб. Чузе бекIабурцуйра агуб. Муса гьади-гьади ватихьиле фиргIяваа унзаке кьтIбяхъиб, унза гьаргбуб. Муса къалала духIна екхуб. Къалала дахъал унзурбе леже, мусани лерилра ибхьулере, сунела гIясани къутIбариле укIра-укIуле: БисмиллагьильфаттахIилгIялим иле. Их тяхIярлике фиргIяваа юртизе духIна екхуле, ФиргIяван левил мелике ваиб. Их мела усуле фиргIяванра бекIла шелика кайиле гьрунра баргиб. Гьарйни Муса кеибхIеле айзуле вакIиле кIалгIялизекан Муса дураиле иб: Я узи гIяхIял гьалаквакIаде, гьанна чарухъе. Муса чарухъун. Унзурбе, Мусас гьаргдубте, кьяпIдуле гIекIиб. Муса чарухъа нешизе лерилра дубтела хабар буриб. Аргъала бари Муса арагIя ФиргIяваа унзаке кIачIизуб, халкьра сунеке хIербукIуле буб, цабехIтени вагьуб, цабехIтени хIегьуб. ИхатIан тяйди хIевуле калъун, фиргIяваа вазиртезекан ца вазир фиргIявайчу духIнаухъа бурайкем, эй пача, нуни ишбари хIела унзаке ца адам кеира, сай нуни вахIелуй, нуни хьарбауд барибхIеле, дизе буриб из ГIимрамла дерхIе Муса сай иле. ФиргIяваа бяхIла ранг дарсдуб. КIинайс иб их вазиризе се сипатла сая, иле. Вазирни иб: Ахъил, ицIибил, гамса, дяхIжагай, бехъибил муцIуричал, балала минтаналичал, сунела някъизе хIинтIана гIясаличал иле бурибхIеле, фиргIяван Гьамайке дяхIке изуле иб: эй Гьаман хIуни ихикела балуй лебу иле. Гьамайни иб агара,- иле. Гьман Мусачу дураухъун, ва у хьарбаиб мер-муса хьардаиб. Мусани дигIян хIедариле гьар секал дуриб. Гьамайни сай валтахъуте къараултезе иб. Иш хIушани уциле, туснакъ вариле ихIяя хIушачу пачачукан хъарбакь бакIайкем. Чуни Муса туснакх вариб. Гьмайни фиргIявайзе их Муса сай иле хабар буриб, ва сунени их духIнаира иле буриб. ФиргIяван Гьаруничу лавяхъиле иб: хIела узи Муса Мадъянла ганзализекан чарухъа сай, хIуни дизе ихила хабар буриле ахIенре. Гьаруйни иб: нам хIезе ихила хабар бурес дигуйре, хIу гьимиргуд иле урухигира гьана сай хIела арилизе, хIела хIукмула уди сай, гьана хIуни хIет гьади кавка. ФиргIяван сай левил мела ургара къалала ургара, арцла кьяшмечал мургьела тахике, сунекера ганзиличал ахъу урцуй, буруш бушахъиб. Их тах балкьагьахъуле жага барибхIеле, ФиргIявайни Мусачу бархьаиле, Муса кавкахъиб. Бану – Исраилте каршу иле урухбигиб, амма шикаят бухъес хIебуб. ФиргIяван унзаке ваибхIеле сунени иб: Я, дила Аллагь, нуни хIезе ишила вайдешизекан ерцни га бирулра, хIу хIекьле гьар секIайке ахъри бикIан сайре иле бага бариб. КIинайс Муса духIна ерхуле фигIяваа гьади кIачIизуб. ФиргIявайни сай хIекьле жагале, вагьуб, амма сунени Мусазе хIу че сайре? иб. Мусани иб: ну Аллагьла лагъ, сайра, Аллагьла расул сайра, Аллагь сунечал гъаюкъунил сайра иле. ФиргIявайни Мусазе иб: хIу фиргIяваа лагъ сайре иле. (Аллагьла лягIнат бахъаб сунекени) Мусани иб: Аллагь кевяхIил сай сунес мешукар убнилизекан. ФиргIявайни иб: се – секIайчу вакIаде? – иле. Мусани иб: Дила егI Аллагьни ну хIечура, гIелабте лебилра Мисрила агьлуличура расуле вахьаибилра иле. ФиргIявайни иб: Нушани хIу дерхIеле вариле икьхIейкьадев? Нушачу хIу хIела гIемрулизекан ца гIяхIте дусмени нушачал кахIелъадев? КьибтIмюлан кавшиле ихун хIянки хIебарадев?-иле. Мусани иб: барира, ил замана ну идбагдешизекан кебалкIунтезекан сайре. хIушазекан гьавура хIушазекан урух укIни багьандан. Дила Аллагьни нам гIилму гиб. Ну расултезекан вариле, хIечу вархьаира я ФиргIяван. Мусани гьайра иб: эй ФиргIяван, хIуни Бану – Исраилтес (жугьтIунес) дарибте гIяхIдешуне гьандикахъа, вайдешуне дате, сабира лебил гIялам акIахъубил Аллагьла лугъре саби, ФиргIяван шейке икилре, айзуле кайиле иб: гIяламакIахъубил егI че сая? иле. Мусани иб: зубре муснера, ихдила урга дубтера акIахъубил егI сай, рахле хIуша ихди Аллагьни акIахънилике дирхап гьадале. ФиргIявайни иб: сунела алавлала халкьла хулатегъунтезе (сабира 500 – лебра талхъунтеке гьикIан хIедуруте кулухмечал) ишини дуруте далхIедикибте гъайке лехIихъуле ахIенреяв? – иле. Мусани иб их хIушала егI сай, хIушаб гьадикала хIушала дудушмелара егI сай. ФиргIявайни иб: ил хIушала расул хIушачу вахьаибилра укIуй жиндрезе икиле абдал уле сай иле. Мусани иб: их Аллагь машрикь магъриблара, ихдила урга лертелара егI сай, рахле хIуша пикридулхъуте сардадале. ФиргIявайни иб: рахле хIуни ну ахIенил ца-царил Аллагь уцадле, нуни хIу туснахъ ируре (ихила туснахъ цIакьил бууле саби, цIябил адам кехIейуй, адамла гъай хIебикьуй бууле саби их ебкIайкем валтуй ууле сай) Мусани иб: рахле нуни хIезе дила расулдешике ачихъил гIяламат кебаахъаслера ил секIал бириду? Иле. ФиргIявайни иб: марчибезекан вадле кебаахъа! Иле. Мусала (ГI. с.) някъала гIяса шишбухъун. Жабраил малайкни иб: эй Аллагьла идбаг, гIяса хIуни лейбакIа-иле. Мусани гIяса лейбакIиб, ихизекан хапле хулал бусекак башан буб, хулал журала валриъ цада баиб. КIинайс их гIясала суратизе бубил бушекан башан абизуле кьяшмеке кIачIбизуб. Къалала чирмезекан ахъбуб. Къала някъя буциле хъулрезе, хазнуртезе гьупбариб, цIа аргьуле палда дуб. Их гIяса секIайзекан кьянтIаиле ахIенил бетехъхIебиркуле буб. КIинайс их багьбубил валриъ ана багьбуб, сунела хулал къукъу гъуна тIамара буб. Асият ихике темаша руле хIежукIуле руб. кIинайс их фиргIяван левил къубалике дяхIике бизуб. Удила хъяйхъяй къубала ахъубихьиле къуба гьавалике абуциб, 80-зирагIла кьадар. КIинайс их аждагьани иб: дила Аллагьла кебяхIдешикера хъя саби, рахле нам изну гале нуни хIу хIела къалаличал варх кьянтIиуре. ФиргIяван сунела тахизекан уди пархухъун. Сунеке гIяргдеш бууле саби. Сунела гIяргдеш сасабле касукIуле гавале ууле сай, укIра укIуле: Я, Муса икьнила хIекь багьандан, ухъахънила хIекь багандан, Асиятла хIекь багьандан иле. Муса Асият гьанруршуле бакьибхIеле аждагьализе гIягIбяхъиб. Саби Мусаке дяхI дяхIике бизуб. Мусани сунела мухIлила някъ берхахъуб, лимзи буциб, бегIедила тяхIярлизе гIяса буб. ФиргIявайни их кебаибхIеле, сунела мелике чарухъун, ва Мусазе иб: цIакьте сихIру дяркъуле левре кьалле, Я Муса. Мусани иб: Я ФиргIяван, ишди сихIрув? СухIручибе хIул хIебиргур.
ФиргIявайни шагьуртезе сихIучибе баргахъес бархьаиб, 70 – азир сихIручи укебякъиб. Ихдизекан гIяхIял бажардила декIарбариб. КIинайс Мусачу бархьалие Мусазе ахъахъиб. ХIелара нушалара урга вягIда бара, нушара хIура меризе хилип хIедиркуй, кIибехIлис ара дакIес гьунц цугил. Мусани иб: хIушачал вягIда зинатла бари саби, их барира дусла бегI гьадила бари саби. Их бари лебилра халкь шагьарла дура укебиркуле бууле саби. Их бари баибхIеле, лебилра Мисрила кьялубезекан халкь укебикиб. СихIручибера цахIна бикиб. ФиргIявайни сихIручибезе иб: хIушани къайгъи барая Мусакем ахъудес. Чуни ФиргIявайзе нуша ахъудахIле нушаб ужра лебу иб, ФиргIявайни леб иб. ХIуша ил замана дичал барх бууте, нуни кецбарибтечал дурудая иб. Ахъбебхубил мела къярубе дариле лебилра гIялам халкь цахIна бикиб, че ахъу урарал хIербукес багьандан. Их къадала фиргIяванра дураукъун, дахъал буруш гIенала душахъиб, сунела хъалибарг, сунела алавла адамтера кIачбатуб. Муса сунела хъули ууле сай. Мусара Гьарунра барх бакIиб. Мусани ихдизе иб! Эй сихIручибе, хIушани Аллагьике къянбе дурмадуридая, сунечал шерик (вахркья) урцуле, чархIедухъадале, сунела шейзекан гIязаб бархьаиле гьалак дирурея. Аллагьике къяна буруте хIекьле зарайзе бикибте саби. Чуни иб: Я, Муса, хIела гIяса гьади – гьади хIуни лейбикIиду ахIенле нушани лейдакIехIев? – иле. Мусани иб: кешке хIушани лейдакIая, хIушани лейдикIуте сесарал! Чуни чула гIяснера, гьаъбера лейдакIиб, чула сихIруни адамтулела хIулбес, ихди лейдакIибте гIясне гьаъбе, канбеке хусдукIуте бусекан башантеле кедаахъиб, адамтуле урухбариб, дахъал сихIру дариб. Кьуръайзе Аллагьнира иб, Мусала чархизе урехи багьарибуб ихдила сихIрура сунела мугIжизат (гIядатизе адамис хIебубил секIал саби) гъунте сари, адамтуле гьайра бархиле сунеке бирххIелгьан иле. Кьуръайзе Аллагь укIар Мусазе, хIу ихдикем ахъу урудни урухмавкIуда. ХIуни хIела балу някъизела гIяса лейбакIа, чуни дарибте лерилра кьянтIму. Ихдини дарибтесихIручиле макру сари. СихIручи сихIру дарникибле хIулхIелгур. Мусани гIяса къадала цугдайле лейбакIиб. ЕрхIел бекIичал аждагьа буб ихизекан, лерилра чула гъайбера гIяснера кьянтIаиб. КIинайс их къадализела ФиргIявайни дурадяхъибте лерилра жагадешунера кьянтIаиб. ФиргIяванра сунела лебилра вазиртера гIяхIял гьалакбакIиле ца хъичIализе кIачIбизуб, хIербукIудле. КIинайс их аждагьа сихIручубечу дяхI бизуб. Ихди ваятI гьабуле ца мела цахIнабикиб. Ихди букIес бяхIиб, ишди сихIру ахIена иле. КIинайс ихди лебилра суждалике кабикиб, букIра букIуле, нуша гIяламакIахъуле сай егIле убил, Муса Гьарунла егI Аллагьике ирхаутера иле. ФиргIявайни ихдизе иб: ХIушани ихике Иман бухиле ирхалгьулреяв нуни хIушаб изну гайкемал. Их хIушала хулал гъуна сайихини сай хIушазе сихIрура дагьахъубте. Нуни хIушала балу някъбера сулгъай кьяшмера кьехIдирисра, ну хIуша хурмала кьялбеке гIердиръурея, хIушани баладая гIязаб буркIахъес ну цIакьилрав, ахIенле Мусала Аллагь цIакьилу? Ну Аллагьике къаршидеш дирнилике даимра урусра иле. Ихдини иб: Муса мале иънилике нушачу дакIибте мугIжизатуне далилтекем хIу нушани сен ара гьади хейруре, нуша сунени акIахъубиликемра гьади хIейруре. ХIуни укIуй секIал хIуни бара, ФиргIяван, хIуни иш дунъяла мицIирдешизецун хIукму саби бируй. Нуша нушала Аллагьике иргъагьубтера, сай нушала гунагьунезекан кеерхахъес багьандан, илдигъунте гунагьунера сари хIуни нушазе Мусаке къаршидеш дарахъес багьандан, сихIру руждан дяркъяхъуле дарахъиле дубте. Аллагь сунес мутигI вакIибилис муз биахънилашал хIекем гIяхIвайра сай, сунеке гIяси убил гIязаб еркIиле хIекем гIяхIял жазаъ буркшанра сай-иле иб.
КІинайс ФиргIявайни гьаманлизе иб: Нам хIуни ца ахъил къалабара! Ну зубрезе ахъу урцусра. Зубрела унзурбеке ваиле мусала Аллагьике гьавикшус. Нам их къянбе угьуй сай иле гьанбиркур, сунес ну ахIенил ца-царил аллагь лев иле укшуле.
Гьамайни 50000-чирла уста, санигIятчибе баргъиб цабехIтени келпич уцIуле, цабехIтени чят гачбируле царалтени хIянки дируле бузахъес бехIбакIиб. Дуела хIерела хIеиле бузуле ихдини гIяхIял ахъил къала бариб, ихила гьади ихэ ахъла гьавализе адам хIеибил. Мусасра Гьарунисра их секIал гIяхIял декIбизуб. Аллагьни ихдичу вяхIъю вархьаиб – хIуша гьалак мадукIудая иле кIинайс Аллагьни Жабраилтезе хъарбариб (гI.с.) ихини их къала гъятIаиб, удила хъули бариб. Их мела бузуте ФиргIяванла динла адамтулера бебкIиб. Мусачал бархбиркуте муъминте имцIабукIуле гIяхIял бахъбаиб. КIинайс Жабраил малайк дяхI палтар жагай адамла суратизе ерхуле, фиргIявайчу вакIиле мякьла кIачизуб. ФиргIявайни илизе-хIу че сайре? иб. Жабраилни иб: Ну пачала лугърезекан ца лагъ сайра, дила лагърезекан ца лагъис хIукму барахъес вакIибилра, нуни сунеке дила нигIмат унезекан дахъал нигIматуне дедира, нуни сунеке дахъал гIяхIдешуне дарира, сай дила хIекьике инкар уб, дила уликебле улара уб: ихис жазаб се-саби хIела мякьла. ФиргIявайни иб: илила жазаъ дила мякьла иш урхьулизе гIенд ушни саби. Их Аллагьни сунела лемзилике бакшахъиб. Жабраилни иб: нуни хIезе тиладибирулра ил хIукму хIуни дизе белкIа гибни. ФиргIявайни ихэ иле белкIа бедиб. Жабраилни их кагъат асиб ва сунела мякьлакан дураухъун. Мусачу вакIиле Мусазе ил кагъат кебаахъиб, ва Мусазе буриб: Аллагьни хIезе Мисрилизекан дураухъа арагIяс. Мусани Бану-Исраилтела гIярни багьахъуб. Саби царала гачбес ватIан буцес дурабухъун. Лебилра 600-азир лебре, саби лебилра ЯгIбукьла дерхIнезекан сабре. ФиргIявайни саби дурабухъни багьуб, ва суненира аскурте даргъъиб, чула бахъдешни лугIи багьес агуб. ФиргIяван кайзуле ууле сай. Муса сунезекан гьавуле дураухъунил сай иле. ФиргIяван сунела гIяскуртечал Мусас гIелакан гьайбариб. Саби Бану-Исраилтеке кецбуб. Бану-Исраилтени мусазе иб: Нушаке ФиргIяван хIекьле гIевхIеибдеш агара. Мусани иб: ватея уэс, дичал дила егI лев, сунени ну кIинайс вархьуршура. Аллагьни Мусачу вяхIъю вархьаиб, гIясани урхьулизе бяхъя иле. Мусани бяхъиб, урхьулизе ецIну кIира гьуни гьаргдуб, Бану-Исраилтела ецIну кIирара жинсис тамуйс, гьар жинсис ца гьуниле. Саби урхьулизекан башуле буб, цабехIичал цабехI гъайбукIуле буб, цабехIни-цабехI кебиулера буб. Муса гьадикан вашуле, Гьарун гIелакан вашуле буб. Саби урхьулизекан берциле бетехъ бикиб. ФиргIяван, сунела алавла адамте, сунела вазирте бакIиб. Сунени беръубил урхьулике хIеръиб, сунела чархизе гъайукIуле уб: иш гьуйзе ерхишара шин цахIна дикайкем Мусаке гIеваэс багьандан. Жибрил вакIиб адамла суратизе ерхуле сунела ябуличал, сунени иб: Эй, пача, етехъ икнилизекан сени чарирулре – иле шеликан гьадиикиб, ФиргIяваа ябуни Жабраилла газала гягI сунтIбариб. Ихис гIелакан ФиргIяванла ябура батбихьиб, гIелакан лерилра аскуртера датдихьиб. Жабраил укIуле етагьуб, эй пача гьалак мавкIуда иле. Микаил малайкра уб лебилра адамтула духIна гьайбируле, ФиргIяваа аскаризекан цалра адам кахIелела ана. Жабраилни ил баягъи кIапIи дурасиб, ва ФиргIявайзе иб: Иш кшапIи хIуни баладу, эй, пача?иле. ФиргIявайни кIапши гьаргбарибхIеле сай гьалак урни багьуб. КIинайс гьунбе шини айсуле урху цахIна бикес бехIбихьиб. Адамтуле гIендбиркуле буб, ФиргIяван ихдике хIерукIуле уб. ГIур сунени сай убкIнилике таманле якьин барибхIеле иб: Бану-Исраилте сунеке ирхагьубил ахIенил ца-царил аллагь агара , - иле, - нура ирхагьура, нура бусурмантезеканра иле, иман шагьадат арбухиб. Жабраил малайкни иб: Гьана вари? Гьади хIекьле сунечал душмандеш дараде, хулал псаддеш биразентезекан ваде иле. Аллагьу ТагIаланира иб: Саби нуни урхьулизе лейбакIира, зулмуркартес сегъуна гIязаб бурарал хIердукIехIе иле. КIинайс Бану-Исраилте букIес бяхIиб, ФиргIяван гIендхIейкиб иле ихини цIакьле гIязаб беркIиле урехи бикиле. Аллагьни урхьулизе хъарбариле сай дураушахъес, урхьуни сай дубла лейвакIиб, Бану-Исраилезе кеахъес багьандан. Чуни кеибхIеле сай гIендникни багьубле ялбуб.
Аллагьнира иле саби кьуръайзе суруту Юнусизе 92-аятизе: Ишбаринуни хIу урхьулизекан дурайуре, хIела рухI агар кьаркьала дуриисра. Саби хIет гIелакабтес гIибратле бахъахъес багьандан. Сеналра бахъал адамтуле дила гIяламатузекан гъапуле саби иле. ХIятта ишди замунтезе Англияла машгьурил музейзе Бритиш букIуй, бихIуле леб укшар, таманле суждалике бихьибил дунъяла гIилмула гIялитени бурни хIясибле 3000-дус бубил. Гьайра темашала их жаназа сунела диичал калъила дура дурхIнартера зая хIедуле сари, муцIура арале калъа саби. Их баргибил мера пирамидабезе ахIенани хIинтIана урхьула дубла дуцIарте гъумике саби, Жабалайн букIуй мела. ГIилимтени бурни хIясибле их кьуръайзе гьанъушибил Мусала фиргIяван сай. Ихди мер- мусалике, ихди урхьнезе гIендикиле дурасибил, сунес гIелакара 3000-дусликем имцIа дикибил. СубхIяналлагь Аллагь нушани амъу ирехIе, сайра пачахIла, зулмула агьлулике гужбиранле убил, илгъуна Аллагь зулмуркатес мугьлат бедилехьайни, биги агале хIебалтуй, сунела кебяхIил кьудратичал бурцуй. Кьуръанул карим нушаб сунени сай левниликил бегIла хулал мугIжизатлера барибил. Нушара бурибилизекан белчIунилизекан гIибрат айсанте дараба, Аллагь
АлхIямду лиллагьи раббилгIяламин.
таман
ГI И С А М А Р Ь Я М Л А Т У Л К И
Ца бари нешизе гъайиб ГIисани
Фана дунья балтехIе иб нушани
Гъариб мела тIягIат бирехIе ибни
КебяхI ахъиб лубиаила дубуралике
Гьар дуе суждалике дуркIи гIемру
Гьар бари дуббурцуле букIиб шукру
Лимзилизе буциле тасбихI зикру
Даим буб Аллагьис гIибадатизе
Зубрела маркала шини бужуле
Ганзала гьар турлу къарни букуле
Габгбела кIапIрела палтурт киркIуле
Яшади буб ила хулал замайзе
ГIур дерхIе вакIиб къадала кьарбарес
БерхIехъ нешла дубуцар бархьаахъес
Ца адам вакIиб Марьямичу гъайэс
ДяхIке изуб салам гиб марьямизе
КеибхIеле пяхIяр руб урух ригиле
Руржес ряхIиб уркIи кIантIи бакIиле
ХIяйрамле гъайиб хIу че сайре иле
КехIеибил хIекибил гIемрулизе
Хъулре хараб диран хIебре далдиран
Дигант ахIергьуб хьунул дикIар биран
ГIязизте дерхIне ятим цIуръа биран
Жан айсан гIизраилра иб сунезе
ИштIал сай иле гIемруни хIелкъунил
Дунъяла хIясрат сай мурад хIебубил
Цакъил пачахI сай иле мас имцIай
ДяхI хIедиранра иб ца мугьлатла
Мурадни хIеакъиле гьар убкIахъан
Цала къайгъи цализе чIям бирахъан
Дунъяла гьар нигIмат лазат дулхъахъан
Гьарил урхахъанилра иб ганзализе
Марьямни иб хIу сес вакIаде дичу ?
Ну вашуйра цацле гьар инсайчу
Гьана ил ерга баахъиле хIечу
ВакIира хIела жан асес иш хIяйзе
Агь иле тIама гIягIбяхъиб Марьямни
ХIяйран рариб бебкIала цIакъ хабарни
ХIулбе биса заб ана тIутIу дарибни
ДерхIе кеес хIеръиб авъалра шейке
Дила хIулбела шала мурад хIясрат
Дила уркIила хIели чархла кьуват
ДерхIе чарухъайкем га бирис мугьлат
Мугьлат бара хIеиб Аллагьни дизе
Мугьлат хIегиле жан асиб ил хIайзе
ДерхIе вакIиб кадихьнила аргъизе
Неш кераиб карихьа михIрабизе
РебкIни хIебагьуб сажес иб гьантIизе
Неш ратуле гIибадатизе ерхуб
ГIур вевъиле нешике ахъуерхуб
ХIу сен рууйре иб гъапулдешизе
УркIи бургIяб жаваб хIегиле нешни
Исуле кьакьа вакIиб пашмандешни
Рахле гьантI муръил замана бурар ибни
Ратуле гIурра ерхуб тIягIятизе
Савла дуе гIурра евъиб неш иле
Муъминт саби тIагIатике бизуле
ХIу русуле дубуцар бархьхIеиле
Рууйрев иб, жаваб хIегиб сунезе
Акбаа дехIибаа замана баиб
Исуле нешла дяхIике дяхI дихьиб
Нешла кIелра хIули мухIли пIайдариб
Хъябруцика гъячIрариб михъирлизе
Зубрела малайкуне зигар бухъун
ПяхIяр буле дубура гьакIарбухъун
Жиндре жаниварте дисуле гъайдухъун
Вев укIулре рухI агар хамхализе
Якьин бубхIеле неш ребкIнила хабар
ЦIакьле исайиб гIягIбяхъиле зар-зар
Сунеке дисес дяхIиб гьар жанивар
Сабур бара иле Аллагьла гьуйзе
Шалай дунъя гьана дике цIябубдеш
Дике бакIиб мусибатла хуладеш
Гъариб мелике, неш, агь дила цайкъдеш
Гьана дила хIяйрандеш айш мелизе
Жавраил Микаил бакIиб хIеб биркъес
ХIурилгIянте бакIиб шараб шини рирцес
Гьалжаа халгIят кадухиб кIапруцес
Ралрариб сакин рариб абад хъяйзе
ТIама дариб хIебизе сен раде неш
ГIизраилизекан бубул урухдеш
ХIел битIнила чархизела кьутIкъудеш
Гьанара леб дила урши ишхIяйзе
Марьям неш рерхуб цIудар гIянжилизе
ГIиса идбаг калъун хIяйрандешизе
Исуле цIакъле дубурлабекIизе
Аллагьни гIур ахъуциб зубрезе
Бара Аллагь ХIяпиз ХIежила мурад
Ибну Губдени ХIежила МухIемад
ШафагIат вара чус ХIябиб МухIемад
Эмин вара саби кIелра хъайзе
Аллагьни амру бариб муэлизе
ДерхІе ельгье иле Ибрагьимизе
Кьабул икиб елгьес ил сягІятизе
Багьуле Аллагьла амрула хІекьдеш
ИсмагІил валвара иб гьажарлизе
Валвариле нешни гъячІвариб кайзе
ГІурра ил неш пІайрикун кІелра хІуйзе
ХІуре иле нам дунъяла жагадеш
ДерхІе елгьес иле ада ватихьиб
Нешизе хабар бурес иблис бакІиб
ДерхІенира бариб илис мяхІрумдеш
Адани дерхІела куц хІисаб бариб
ХъумхІертес иле сай уркІила уциб
ХІулбела биса цІакьле тІутІу дариб
Пикри бариле дерхІела язихъдеш
Ца мела халват бикиб адам агар
ДерхІелизера буриб бебкІала хабар
Дила нешизекан икайкем декІар
Сен хІебагьахъаде я дила дудеш
Аллагьни дике хъарбариб хІу елгьахъес
ХІу севкІудал бура гІазизте жан гес
ХІела хиял лебхъяй ну къурбан елгьес
Сен хІебураде нешла мякьла бархъдеш
Ил дила нешин хІезе хьарбаале
ХІулбела шала дерхІе севба але
Дунъяла жагадеш сеуба але
нешизе се жаваб лугада дудеш
Нугъунте дерхІнела урга хІеръадле
Дила гьалмагъ дерхІне кебаадле
Илдичал варх цахІна ну кехІеасле
ХІушаб хІебесу ил мела мяхІрумдеш
Хула бари дехІне саби аднени
Балбируле букІре лугІуле чуни
Дила къакъари луулере хІуни
ГІела хъянтализе байкем я дудеш
Аднени дерхІне хІулбиргахъуй бари
Жагате палтурте киркІахъуй бари
Пашман ирурав балъа кьакьари
Бержахъа дизе бебкІала кьутІкьудеш
Ну къурбайс елгьасле дила ада
Кидил махлукьатис дила диъ бултІада
Дила чархла диъ гьизе букахъада
Адамла диъ беркес хІярамхъяй дудеш
ДерхІне балбируле саби аднени
Чула дяхІ-някъ ицуле замзам шини
ХІуни уцулре хІинтана хІини
Я дудеш ишбари намил хІяйрандеш
Дике ряхІму биру урцуте жани
Ганзализекан дашуте микъяни
Урхьнезела касане балихъмени
ХІни ряхІму хІбириду я дудеш
Урчемал базни нешни кайзе уцира
КІел дус мама гиле някъя уцира
НухІялал ватахъес нешизе бура
Дила цІакьле саламра бура дудеш
Дила нешла мякьла хІу чарухъадле
Дила хІева савгъатле арбухадле
ХІинтан хІини гъудулле кебаалле
Ну хъумартишав язихъ хІересу неш
Ну кьуватле жагьилте гІемрулизе
ХІу зягІифле ухъна хула дешизе
Гъудур укІасле ну гІязизте жайзе
Някхбе кьяшбе дигьа я дила дудеш
Ибрагьим Халилни херъиб зубрезе
ХІулбела биса чяхІдухъун муснезе
ХІяйран уле ИсмягІилла дугьбеза
Кьакьадешизе икиб гъариб дудеш
Гьанна дила къакъла лигбе дячаде
ХІуни дила уркІира пІякьбушаде
Исахъуле хІлбе загІип дараде
Гьана биур лехІ ахъе дила урши
ДерхІени иб гьанна хІед дигуй бирис
Дила гІязизте жан хІет къурбан дирис
ХІу багьандан жан гес ахІерхІедирис
Ил амрулике сабур бирис дудеш
ГІур кьибла шейке удивяхъиб елгьес
ЕрхІцІайни хІекбариб хІевуб атІахъес
ДяхІла хІермавкІу, къуз бара иб кІинес
Къуз барибкъяй хІетІун хІяйран уб дудеш
ГІур къаркъалике бяхъиб, кІел кьехІбариб
Къаркъа лууй диъ сен хІелууйре иб
Дисни гъайиб, Аллагьни малуа иб
Сен бариша Аллагьике гІясидеш
Ибрагьимни ил елгьес къайгъибариб
ИсмягІилни уркІира халис бариб
Аллагьла шейзекан гІур тІама дариб
Гьанна багьура иле хІела мардеш
Дудеш дерхІени муэри марбариб
Аллагьни чуке ряхІму хьурабариб
Къурбан гиле белгьес дерхІе ерцахъиб
ХІебержахъун цІакь бебкІала кьутІкьудеш
ХІяпиз ХІежи гІязаб маркІи хІебизе
Кемалкьада жагьаннамла цІализе
Сакин вара Аллагь гьалжанализе
Лугътеке хІела ряхІмула хуладеш
таман
ГЪАЗАНАПЛА ТУЛКИ
Астагъфируллагь Аллагь хІу кеерхе дизекан
Гунагьуне дахъдуле урузлера хІезекан
Кьиямала майдайке диргьадле гІядлу мизан
Есара дикем ерши цалра инсан ва ла жан
СубхІяналлагь темаша дила адабла камдеш
Ганзани ухІерцахъуй хІела сабурла хирдеш
ЕрхІцали азир дусни тІягІат барибил Иблис
Душман мелгІун бараде ца девла къаршидешис
Сен-сен умут бариша ряхІмула хирдешике
Дила гІемру ардегІун даим къаршидешике
Агара дила гІямал хІуни кьабулбаресил
Дикем тийшил хІеврар жагьанамзе ушесил
Балу-балуле Аллагь ну гІясилера хІеке
Астагъфираллагь Алллагь хІу гьиммаргуда дике
ХІуни кьабулбаресил ца гІямал лебга дила
Нам дигахъис МухІеммад Аминат гІябдуллагьла
Макализе варибил вяхІюла таж кикІубил
Малайкуне ялбарес зубрезе арукибил
АсхІябул кагьбибеке диги бихьни сабабле
Кьитмир букІуй хялисра гьалжана гаде мале
Лебга дилара диги мадинала Нурлике
Макьам баахъа Аллагь КьитІмирла умцлалике
ГІемал агар дикнилис гьалжан асиб кьитІмирни
Хялис бубил ряхІмуке уммут бирулра нуни
ГІязаб еркІес дигале ну лагъ сайра хІу егІре
ХІябдаршлим урегцІали сан акІахъубил егІре
Дахъ хулал ряхІму бурар кеерхадлечи Аллагь
ХІуни барибилике шукру алхІямдулиллагь
Аллагь хІуни кІапІдара Гъазанапла хатІурте
Сунес насибра дара гьалжунтела кебяхІте
Жаннатул фирдавусизе хІурилгІянте къугъате
Нушара адуцаба гІялимтечал дурхъате
таман
ЛАГЬАРА КЪАРЧИГЪАРА
Аллагьла дуркъай ХІябиб
Ца бари уб кайиле
Дакьаа дехІибала
Дириле таман уле
Уммат гьанле уанил
Гар даим уркІилизе
Умат берцахъа иле
Улгуле Аллагьизе
Пахле хабар агале
Лагьа бакІиб арцуле
ХІябибла кьукьалике
Кабииб гьалакбуле
Лазатичал хІеръиле
Дурхъай нурла дяхІике
Гьалакил къулукъ леб иб
Иш бари дила хІеке
Гьана сабур агара
Дила гъай хІуни аргъа
Ну буцес кьайсбариле
Лябуле леб къарчигъа
ХІуни ну берцахъаба
Тилади саби хІезе
Дила авъал дерхІе лер
Дисуле пукъализе
Кумек барес хІеврадле
Хъярхъле бурага дизе
Урцуле дигІян биркус
Ца дузла талализе
ГІяхІял уркІецІи духъа
Ил хІябибпикриухъун
Чархизе асар буле
Ила биса гурдухъун
Дила шалкІу бягІян иб
ХІябибни лагьализе
Чум къарчигъа далера
ХІелугаре илдизе
Дурхъай ХІябибла шалкІу
Ил лагьа духІна бакиб
Гьалакил тІамаличал
Къарчигъа духІна бикиб
МухІеммад ХІябибизе
буриб ил къарчигъани
хІечу бакІибил лагьа
дигІян мамири хІуни
лагьа буцес кьасичал
ХІябал бари булра иб
Ишбари дила кьисмат
КьехІмамири хІуни иб
Ну язихъ хІебариле
ХІуни лагьа биха иб
Урегал дерхІе лер иб
Дисуле пукьализе
Лагьа бате иб хІуни
Маза лугас хІет нуни
Лагьалайкем диъ имцІай
Саби багьани дурхъай
Нам гІягІниле ахІена
ХІела мазала багьа
Нам ахІял дигулера иб
Ну унцІуй дила лагьа
Хулал уркІецІила егІ
АкІубил жали-жайке
ХІябибни вягІда бариб
ХІеръиле къарчигъалике
Гьей Аллагьла къарчигъа
ВягІда барага дичал
Дила чархла диъ лугас
Кьехбариле дисичал
Аллагьла хІукмулике
ХІеръая ХІябибике
Къарчигъа разибикиб
Беркес чархла диике
Расуйни асхІябтезе
Ахъ уле тІама дариб
ХІушани дила мякьла
Ца дис кабухая иб
Кьудратла егІ Аллагьла
ХІукму леб бархьаиле
АсхІябтени Расуйзе
Кабухиле дис бедиб
АсхІябте гьалак буле
Гъайбухъес хІябибичал
Хьарбаиб хІу севкІуйре
Се лууйре дисичал
Гьар хІякьикьат аргъахъиб
ХІябибни асхІябтезе
Дурхъай Аллагьла буйрухъ
Бархъбирис гІемрулизе
Аллагьни ил дисизе
Багьахъуб ишэ иле
Дила дигуй ХІябибла
Диъ малуада иле
Расуйни дис асиле
Кьуватичал хІек бариб
Ил дисни ХІябибике
Ца къял ара хІебариб
ГІур ил лагьа шалкІукан
Пархбуле пяхІярбуле
ХІерале илизекан
Жабраил малайк уле
Ил лебил мелизекан
Къарчигъа пяхІярбуле
Илзекан хІеръале
Микаил малайк уле
Илдини иб хІериле
МухІеммад ХІябибике
ХІу хІекьил идбаг ваде
РяхІмула гІяламике
Нушани хІу кеекІа
Марвараде я ХІябиб
Лебил гІялам халкьла
Ваде хІу хІула тІабиб
ШафагІят е жан ХІябиб
Аллагьла бегІла дигуй
ШафагІятла мягІданре
УркІбе къунади дукІуй
Дунъяла ахиратла
Муъминт йибанди букІуй
Гьар буршуйил гьигьизе
ХІу нушани хъумхІертуй
Дурхъай МухІеммад ХІябиб
Тилади саби хІезе
Нушара дуцабаго
ХІела шафагІатизе
таман
Баян бариша ца гьалжаа сипат
ЛехІ ахъея бакьес илала лазат
ТІалаб барая ил абадла нигІмат
Аллагь разиесил гІямал бариле
Аллагьни гьалжунте акІахъуб дурхъате
Гьар жагадеш гьар нигІмат чузе лебте
Абад сакин барес ила муъминте
ТІягІатис къарши ужра лугас иле
Гьалжаа ганза бариб халис арцла
ГІянжи дариб жагай гягІ миск гІямбарла
Вава кьар диркьа бариб, зягІфиранла
Муъминтес Аллагьни жагадариле
ЕрхІцІали азир хъали лер якьутла
Гьалике азир унза лер мургьела
Гьар унзалике хъашре лер жавгьарла
ТІягІятла агьлулис хІядур дариле
Унзаке ерхІцІали азир галга лер
Цалике ерхІцІали азир кьяш лер
Гьар кьяйке ерхІцІали азир цІидехь лер
Турлу-турлу рангла дигІарте тІемла
ЕрхІцІали азир тах лер мургье арцла
Ахъу азир буруш лер гьар халгІятла
Гьар бурушике хІурилгІинте нурла
Баз берхІиан жагадеш лебте чула
Сундус истабракьла палтурт киркІуле
Мургьи арцла тахики кабиръуле
Гьалжунте гьар меллике урцуле
Муъминте бурар гІяз лазат айсуле
ЕрхІцІали азир къулукъчи леб цала
Някъа мургьила вакъре лер шарабла
ДяхІиан цІуба кьуцІри лер лаззатла
Гьар уркІи гьулбукІуй секал леб ила
ЕрхІцІали азир къумур лер тІагІамла
Гьар кьумурлизе лер нигІмат азир рангла
ХІуркІре лер варъала ниъ шарабла
Муръите дежла ужес дахъ лаззатла
Мургье арцла кулухме лер някъбеке
Мургьила тІулукме ецІалра тІуйке
Диръахъуле гьарамасар хьунуйке
Гьалжанла агьлу дурхъа барес иле
Жагай макьамни хІурилгІинте бучІар
ТІамани хІяйран биру гьар инсан жан
Жикье ана галгбела кьялбе дучІан
Гьалжанла агьлулис ил бушра иле
ГІур давудизе делчІе икІар забур
ХІинтІана якьутла минбарлике каръур
Жагай макьамни сай учІес ехІирхьур
Лаззатизе биркур халкь хІяйран буле
Расуйзе калам белчІе укІар Аллагь
ТІагьа, ясини учІан расулуллагь
ХІяйранле къагъ бурар, гьар жан халкьуллагь
Жагай макьамни Расул учІухІеле
ГІур Аллагьни бучІа суратул ангІам
Лугътезе бакьахъес ил жагай макьам
Лазатизе биркур гьар куллу гІялам
Ил жагай макьам гьеч хІебакьиле
ГІур Аллагь дакІу улхъан муъминтеке
Пердев агуле кейу нурла хІяйке
ХІяйранле халкь кабиркур суждалике
Гьалжунтера гьакІдукІар гІяшикьдуле
Аллагь укІар бакьая дила гъайла
ХІердукІея дила дяхІике нурла
ХІулбе кьяпІхІедируле махлукьатла
ХІябдарш дус хІербукІар лаззат айсуле
ГІур Аллагь гъайулхъан я дила лугъте
Чардухъея къалрумбезе жагате
Сажея абад халидле кулъуте
Гьеч бебкІа изала къайгъи агарле
Аллагь укІар салам бахъаб хІушаке
Разилереяв гибил нигІматике
Разилера букІар я рахІман хІеке
ВягІда марбараде гьар нигІмат гиле
Гьана ряхІят дея дила муъминте
Ну багьандан тІягІятизе дизубте
ГІибадатике чурхле дамсахъубте
Лаззат асая дукуле дужуле
Аллагьни чуч дархьиу савгъатуне
Гьар туллу рангла нурла халгІятуне
Ранг-рангла гьар лаззатла нигІматуне
Шуелра дехІебайс къарши дихуле
ХІяпиз ХІежис ризкьи бара ил гьалжан
Аллагь ряхІят дара ила гІязиз жан
Дунъя бициле аса луълуъ маржан
ТІагІат багье, саби ил гьалжанала
таман
Ж А Г Ь А Н А М
Жабраил Расулличу вакІиле буриб сипат
Ва инна жагьаннама ибил кабухиб аят
ЕрхІел жагьаннам лер иб уммат бале хиянат
Аллагьла амру нагьи дутуле че валера
Расул цІакьле исайиб бакІибхІеле ил аят
Се бариша иле гІязаб беркІале уммат
АсхІябтера бисуле кабикиб ца гІяламат
Расул сес исуй сайил хІебалуле чунира
ГІумар асхІяб арагІя карукиб и ПатІимат
Расулизе бурахъес уркІилизела ният
ПатІиматни дудеш иб, се саби хІела хІикмат
АсхІябтера бисахъуле сес исуйре иб хІура
Ну сес исхІейсиша иб дила рурси Патимат
Жагьаннамла хІекьизе бакІиле саби аят
ЦІалике кебиуле гІязаб буркІале уммат
Дарман буэсга иле шишимайини исулра
Жагьаннам се-саби иб: я дудеш бура сипат
Я ПатІимат бурасле жагьаннамла хІякьикьат
Жагьаннамизе леб иб цІакьил гІязаб мушаккьат
Жагьаннамла гІязабла хІисаб багьес агара
ЕрхІцІали азир къада ца жагьаннамизе лер
ЕрхІцІали азир къую цІала табутуне лер
ХІямим закьум кьатІран чІичІа кьякьрабте ила лер
Жагьаннамла гІязабла сипат багьес агара
ДяхІлике карикиле рисес ряхІиб ПатІимат
Вавайилагь ил цализе ушибилис мусибат
Жагьаннамла агьлулис гьеч агалега ряхІят
Уммат берцакьес гІямал дарман се баришара
Расуйни бурибхІеле ил жагьаннамла хабар
Ва мусибатагь иле кайкиб ила Абу-Бакар
Инсанле хІекІахъуле ну васлекІан жанивар
Авлахъизекан урцуй учІуле макьамнира