Губданила Гъалим ГЪАЗАНАПЛА ТУЛКИ

 

Астагъфируллагь Аллагь хІу кеерхе дизекан

Гунагьуне дахъдуле урузлера хІезекан

Кьиямала майдайке диргьадле гІядлу мизан

Есара дикем загІип цалра инсан ва ла жан

 

СубхІяналлагь темаша дила адабла камдеш

Ганзани ухІерцахъуй хІела сабурла хирдеш

ЕрхІцали азир дусни тІягІат барибил Иблис

Душман мелгІун бараде ца девла къаршидешис

 

Сен-сен умут бариша ряхІмула хирдешике

Дила гІемру ардегІун даим къаршидешике

Агара дила гІямал хІуни кьабулбаресил

Дикем тийишил хІеврар жагьанамзе ушесил

 

Балу-балуле Аллагь ну гІясиура хІеке

Рабби астагъфираллагь хІу гьиммаргуда дике

ХІуни кьабулбаресил ца гІямал лебга дила

Нам дигахъис МухІеммад Аминат гІябдуллагьла

 

Макализе варибил вяхІ’юла таж кикІубил

Малайкуне ялбарес зубрезе арукибил

АсхІябул кагьбибеке диги бихьни сабабле

Кьитмир букІуй хялисра гьалжана гаде мале

 

Лебга дилара диги мадинала Нурлике

ХІейакъурав ну Аллагь КьитІмирла умцлалике

ГІемал агар дикнилис гьалжан асиб кьитІмирни

Дилара их уммут леб мяхІрум майраба хІуни

 

ГІязаб еркІес дигале ну лагъ сайра хІу егІре

ХІябдаршлим урегцІали сан акІахъубил егІре

Дахъ хулал ряхІму бурар кеерхадлечи Аллагь

ХІуни барибиллике шукру алхІямдулиллагь

 

Аллагь хІуни кІапІдара Гъазанапла хатІурте

Сунес насибра дара гьалжунтела кебяхІте

Жаннатул фирдавусизе хІурилгІянте къугъате

Нушара адуцаба гІялимтечал дурхъате

يِرْحَلْرَ زُبْرِ دِسُرْ كُبْدَنِ غُنَا بَلِ

بِرُيْ عِبَدَتِزِ سَلْمَنُلْ فَرِسْ غُنَا

اَدُلِلَ مُحَمَّدْ نَشْنِ وَرَبْ سَيْ غُنَا

اَكْبَرْ قَمَتْلَ مَقْلَ هَبَشْلَنْ بِلَلْ غُنَا

كُبْدَلَنْ عَبْدُلْ عَزِزْ تُسْنَقْ اِرُوْ حُو غُنَا

رُشْبَتِچَلْ دَحِچَلْ حُكْمُو بَرْسْ حَبَرِبِلْ

سِبِرْ وَرِسْ سِبُلْرَ كُبْدَلَنْ اَبُسَعِدْ

قِِلِقْ خَسِيَتِزِ خَلِفَ عُمَرْ غُنَا

شُعَيْلَ مُحَمَّدْرَ كُبْدَنِ اَرْسْلَنْ غُنَا

دِرْتْنِ دُحْنَ اِژِلِ سِبِرْنِ عَنْدَكِبِلْ

اَخِرَتْلَ شَهِدْرِ يَسِرْ غَزَلِ اِژِ

دُژَنِ كَلْكِ مَمَبْ خُلَ مِجِتْلَ بِسِلْ

مِجِتْلَ تَبْتُرْتِنِ قُلْهُ قِرَءَتْ دِرُ

اَزَلِّزِ بِلْكُنِلْ حُشَبْرَ كَمْ حَبُرَرْ

عَلِمْتِ هَلَكْ بَلِ جَهِلْتِنِ سِبِرُ

دُنْيَا ژَبْلِ نُو ژَيْلِ حَبَلُلْرَ بَرِسِلْ

شَهِدِلْ بِبْكَ كِلِ عَلَلَ خَيِرْ بَرَ

عَلِمْتِ فَانَا بَلِ زَكْ بِسُيْ بُرَرْ بَلِ

سُنِلَ اَصْلُلِزِ وَيْسُلْ قَرَنِ غُنَا     

بَهَدُرْ دَشْلَ مَقْلَ خُنْزَقْلَنْ جَمَلْ غُنَا

كُبْدَنِ عَلِمْتَزِ نُورْ اُلْكُويْ لَمْفَا غُنَا

كِفَوْلاَ تُسْنَقِزِ يَقُبْلَ يُسُفْ غُنَا

يِژْنُوشُرَ غَلْ دُسْنِ كُبْدَنِ قَدِ اُبِلْ

سُنِلَ عَمْرُلِزِ اُرْحْلَ عَيِفْ حَسِبِلْ

اُرَلْلَ اُرَمِزِ خَيْبَرْلَ عَلِ غُنَا

سَخَوَتْ دِشْلَ مَقْلَ حَتَمُو طَّهِ غُنَا

قَيْغِ خُلَلْ چَرْخِچَلْ چَرْحَوْقَا شَهِدْ اُبِلْ

صُهَيْبُو عُمَرْنِ اَنْ عَذَبْ قَبْلَ اَسِبِلْ

نَشْنِ دَرْحَا وَرْمَرَبْ كُبْدَنِ عَلِمْ يِسِلْ

خُلَ مِجِتْلَ تَخْنِ حُشَبْ تَزِيَتْ بُرْشُو

دُنْيَا اَكُلِ عَدَتْ بَلَهْ عَلِمْتِسْ بُرَرْ

عَلَمْ خَلْقْ دُرَبُقَ دِغْبَلِ زَبْ كَدِرُ

لِ جَا دِلَ دُرُتِ وَلِّكَنْ لِ حَقِسِلْ

رَحْمُو خُلَلْ ژَ اَللهْ دِكِرَ رَحْمُو بَر
Мы занимаемся производством фотокниг и фотопечатью. . детский трикотаж оптом в Москве . завивка волос